Fréttir

23.04.2018 11:50

Frambjóðendur í stjórnarkjöri Íslenska lífeyrissjóðsins

Ársfundur Íslenska lífeyrissjóðsins verður haldinn föstudaginn 27. apríl 2018 kl. 17 í útibúi Landsbankans Austurstræti 11.

Samkvæmt samþykktum Íslenska lífeyrissjóðsins er stjórn sjóðsins skipuð fimm mönnum, fjórum kosnum af sjóðfélögum og einum skipuðum af bankaráði Landsbankans. Í varastjórn eru þrír menn, tveir kosnir af sjóðfélögum og einn skipaður af Landsbankanum. Að þessu sinni verður kosið um tvo aðalmenn og einn varamann.

Framboðum aðalmanna bar að skila inn til stjórnar viku fyrir ársfund. Tvö framboð bárust og er því sjálfkjörið í aðalstjórn.

Frambjóðendur í kjöri til aðalmanns í stjórn Íslenska lífeyrissjóðsins 27. apríl 2018 eru:

  • Erla Ósk Ásgeirsdóttir
  • Snorri Ómarsson

Kynning á frambjóðendum

Erla Ósk Ásgeirsdóttir, f. 1977

Erla Ósk Ásgeirsdóttir, f. 1977, er forstöðumaður starfsmanna- og gæðasviðs Icelandair hótela. Þá er hún varamaður í stjórn Landssamtaka lífeyrissjóða. Erla er með MPA gráðu frá Háskóla Íslands auk B.A prófs í stjórnmálafræði frá sama skóla. Jafnframt hefur hún sótt námskeið um árangur og ábyrgð stjórnarmanna hjá Háskólanum í Reykjavík. Erla hefur setið í stjórn Íslenska lífeyrissjóðsins frá árinu 2012.

Snorri Ómarsson, f. 1971

Snorri er starfandi flugstjóri hjá Icelandair og hefur gengt störfum þjálfunarflugstjóra frá árinu 2017.  Lauk stúdentsprófi frá Verslunarskóla Íslands árið 1991, BS prófi í viðskiptafræði frá Háskóla Íslands árið 1999 og meistaraprófi í fjármálum fyrirtækja frá Háskólanum í Reykjavík árið 2011. Starfsmaður Icelandair frá 1998-2007 og aftur frá 2009.  Starfsmaður í greiningardeild Landsbanka Íslands frá 2007-2009. Í sparisjóðsnefnd Félags íslenskra atvinnuflugmanna, FÍA, vorið 2013. Í Trúnaðarráði FÍA árið 2011-2012. Í Starfsráði FÍA/Icelandair frá  2012-2018.  Í samninganefnd FÍA frá árinu 2013-2014 og unnið að sérfræðistörfum fyrir nefndina frá árinu 2016. Varamaður í stjórn Eftirlaunasjóðs atvinnuflugmanna frá 1999-2005.  Í Alþjóðanefnd FÍA frá árinu 2017.  Snorri hefur setið í stjórn Íslenska lífeyrissjóðsins frá júní 2011, og varaformaður stjórnar frá árinu 2013.

Til baka