Fréttir

14.08.2017 17:18

Íslenski lífeyrissjóðurinn tekur við tilgreindri séreign

Íslenski lífeyrissjóðurinn tekur nú við tilgreindri séreign frá þeim sem eiga rétt á slíku samkvæmt ákvæðum kjarasamnings. Íslenski lífeyrissjóðurinn býður upp á fjórar ávöxtunarleiðir fyrir tilgreindu séreignina. Tilgreind séreign er laus til útborgunar frá 67 ára aldri, en unnt verður að taka hana út með jöfnum mánaðarlegum greiðslum á fimm árum, frá 62 til 67 ára aldurs.

Þeir sem greiða lögbundinn lífeyrissparnað til Íslenska lífeyrissjóðsins og njóta hærra iðgjalds, þ.e. 14% lögbundins iðgjalds samkvæmt kjarasamningi (verður 15,5% 1. júlí 2018), þurfa ekkert að aðhafast þar sem viðbótin rennur öll til frjálsrar séreignar sem er laus til útgreiðslu frá 60 ára aldri.

Sjóðfélagar geta nálgast upplýsingar hjá ráðgjöfum í útibúum Landsbankans, hjá Verðbréfa- og lífeyrisráðgjöf Landsbankans eða á vef bankas.

Fróðleikur um lífeyrismál

Til baka